تل ابیب: اسرائیلی فوج کی کارروائی کے دوسرے دن تل ابیب میں حملے میں 8 افراد زخمی ہو گئے۔
غیر ملکی میڈیا رپورٹس کے مطابق مقبوضہ مغربی کنارے میں اسرائیلی فوج کی 20 برس میں سب سے بڑی فوجی کارروائی کے بعد گزشتہ روز تل ابیب میں ایک کار کے ٹکرانے اور چھرا گھونپنے کے واقعات میں آٹھ افراد زخمی ہو گئے ہیں، جب کہ ایک مشتبہ شخص کو گولی مار کر قتل کر دیا گیا۔
اسرائیلی پولیس نے منگل کے روز کہا کہ انھیں اطلاع ملی تھی کہ شمالی تل ابیب میں ایک کار نے متعدد شہریوں کو کچل دیا ہے، جس پر کار سوار کو گولی مار کر ہلاک کر دیا گیا۔
- Advertisement -
دوسری طرف فلسطینی گروپ حماس نے جنین کیمپ میں فلسطینیوں کے خلاف جرائم کے ارتکاب کے رد عمل کے طور پر انجام دیے گئے گاڑی سے کچلنے کے واقعے کو بہادری سے تعبیر کرتے ہوئے سراہا ہے۔
