وزیراعظم شہباز شریف اور چینی وزیراعظم لی کیانگ میں ٹیلیفونک رابطہ ہوا دونوں رہنماؤں کے درمیان گفتگو روایتی گرمجوشی اور ہم آہنگی پر مبنی تھی۔
اے آر وائی نیوز کے مطابق وزیراعظم شہباز شریف اور چینی وزیراعظم لی کیانگ کے درمیان ٹیلیفونک رابطہ ہوا ہے۔ شہباز شریف نے چینی وزیراعظم کو اعلیٰ عہدے کے انتخاب پر مبارک باد پیش کی۔
دونوں وزرائے اعظم کے درمیان گفتگو روایتی گرمجوشی اورہم آہنگی پر مبنی تھی اور اس میں پاک چین ہمہ موسمی اسٹریٹجک پارٹنر شپ نمایاں تھی۔ دوران گفتگو سی پیک سمیت اہم شعبوں میں تعاون کا جائزہ بھی لیا گیا۔
- Advertisement -
وزیراعظم شہباز شریف نے مسئلہ کشمیر پر چین کے اصولی مؤقف پر تہہ دل سے شکریہ ادا کیا جب کہ چینی وزیراعظم لی کیانگ نے چین کے لیے پاکستان کی حمایت کو سراہا۔
