اسلام آباد : حکومت کے مؤثر معاشی اقدامات کے ثمرات نمایاں ہونے لگے ، مسلسل تیسرے ماہ ملکی کرنٹ اکاؤنٹ سرپلس ہوگیا۔
تفصیلات کے مطابق اسٹیٹ بینک آف پاکستان (ایس بی پی) نے سماجی رابطے کی ویب سائٹ پر جاری بیان میں کہا ہے کہ صرف ستمبر کے مہینے میں ملکی کرنٹ اکاؤنٹ سرپلس سات کروڑ تیس لاکھ ڈالر رہا جو گزشتہ سال ستمبر میں ستائیس کروڑ اسی لاکھ ڈالر خسارے میں تھا ۔
1/3 In September, the current account posted a surplus for a third successive month. The surplus reached $73 million against a deficit of $278 million a year earlier. For details: https://t.co/Od8ikVvpBF
— SBP (@StateBank_Pak) October 21, 2020
اسٹیٹ بینک کا کہنا تھا کہ رواں مالی سال کی پہلی سہہ ماہی میں اناسی کروڑ بیس لاکھ ڈالر کرنٹ اکاؤنٹ سرپلس رہا جبکہ گزشتہ سال اسی عرصے میں پاکستان کو ایک ارب انچاس کروڑ بیس لاکھ ڈالرز کرنٹ اکاؤنٹ خسارے کا سامنا تھا۔
2/3 As a result, the current account recorded a surplus of $792 million in Q1-FY21, the first quarterly surplus in more than 5 years.
— SBP (@StateBank_Pak) October 21, 2020
یاد رہے وزیر اعظم عمران خان نے ایک ٹویٹ میں کرنٹ اکاؤنٹ کے سرپلس کی خوش خبری دیتے ہوئے لکھا تھا ’پاکستان کے لیے عظیم خوش خبری‘، بالآخر ہم درست سمت میں چل نکلے ہیں، ماہِ ستمبر میں 73 ملین ڈالر کے سر پلس کے ساتھ کرنٹ اکاؤنٹ پہلی سہ ماہی کے لیے 792 ملین ڈالر ہوگیا ہے۔
خیال رہے جولائی اور اگست2020 میں کرنٹ اکاؤنٹ سرپلس 80 کروڑ 50لاکھ ڈالرزہو گیا تھا جبکہ گزشتہ سال جولائی اگست میں کرنٹ اکاؤنٹ خسارہ1ارب 21کروڑ ڈالرز تھا اور اگست میں ملکی کرنٹ اکاؤنٹ سرپلس 29 کروڑ 70 لاکھ ڈالرز رہا۔
