ریاض: سعودی محکمہ پاسپورٹ نے تین زمروں میں شامل افراد کو ہدایت کی ہے کہ وہ سعودی عرب آمد سے قبل ویکسین کا اندراج کرائیں۔
عرب میڈیا کے مطابق مملکت کے محکمہ پاسپورٹ نے واضح کیا ہے کہ تین زمروں میں شامل افراد کو سعودی عرب آنے سے قبل کورونا ویکسین کا اندراج کرانا ہوگا۔
رپورٹ میں بتایا گیا کہ مذکورہ تین زمروں میں خلیجی تعاون کونسل میں شامل ممالک کے شہری، مختلف قسم کے نئے ویزا ہولڈر، مقیم غیر ملکی اور ان کے مرافیقین شامل ہیں۔
ندعو جميع القادمين إلى المملكة من غير المواطنين السعوديين من المحصّنين وغير المحصّنين لتسجيل اللقاحات إلكترونيًا، من خلال الرابط: https://t.co/MpVsPCixSS pic.twitter.com/S4JGpwwXGQ
— الجوازات السعودية (@AljawazatKSA) November 24, 2021
سعودی محکمہ پاسپورٹ نے ویکسین یافتہ اور غیر ویکیسن یافتہ تمام تارکین سے کہا ہے کہ وہ مملکت پہنچنے سے قبل ویکیسن کا آن لائن اندراج ضرور کرالیں ایسا کرنے سے امیگریشن کی کارروائی کسی زخمت کے بغیر تیزی سے مکمل ہوجائے گی، اس ضمن میں تعاون کی ضرورت ہے۔
محکمہ کے مطابق سعودی عرب آمد سے قبل ویکسین کے اندراج کی پابندی کورونا وائرس کو پھیلنے سے روکنے، شہریوں اور مقیم غیر ملکیوں کی صحت اور سلامتی کے تحفظ کی غرض سے لگائی گئی ہے۔