لاہور کے حلقہ این اے 127 سے چیئرمین پیپلز پارٹی بلاول بھٹو بھی میدان میں ہیں۔
این اے 127 کا شمار لاہور کے اہم سیاسی حلقوں میں ہوتا ہے جہاں سے اس بار بلاول بھٹو بھی الیکشن لڑ رہے ہیں۔
قومی اسمبلی کے اس ایک حلقے میں 5 صوبائی اسمبلی کی نشستیں جن میں پی پی 157، 160، 161، 162، 163 شامل ہیں۔
- Advertisement -
حلقہ این اے 127 کی کل 9 لاکھ 72 ہزار آبادی میں سے 5 لاکھ 27 ہزار رجسٹرڈ ووٹرز ہیں۔ ماڈل ٹاؤن، بہار کالونی، قینچی، چونگی امرسدھو جیسے علاقے بھی اس حلقے میں شامل ہیں۔
یہاں کے کم ترقی یافتہ علاقے زندگی کی بنیادی سہولیات سے محروم ہیں۔ ووٹرز کا کہنا ہے کہ مہنگائی اور بے روزگاری نے بھی عوام کا جینا دو بھر کر رکھا ہے جس کی طرف آنے والی حکومت کو توجہ دینا ہوگی۔
امیدواروں کو انتخابی نشان ملنے کے بعد تمام سیاسی جماعتوں نے تشہیری مہم شروع کر دی ہے۔
