تین فٹ کے پپو کی میٹرک کے امتحانات میں‌ کامیابی papu pass matric
The news is by your side.

Advertisement

تین فٹ کے پپو کی میٹرک کے امتحانات میں‌ کامیابی

گوجرانوالہ: پنجاب سے تعلق رکھنے والے چھوٹے قد کے پپو کے ہاتھ میں میٹرک امتحانات کا نتیجہ آیا تو دوستوں اور پڑوسیوں نے خوب جشن منایا اور مبارک باد پیش کی۔

تفصیلات کے مطابق پنجاب کے علاقے گوجرانوالہ سے تعلق رکھنے والے چھوٹے قد کے شخص کو تعلیم حاصل کرنے کا اس قدر جنون ہے کہ اُس نے سال 2017-2016 میں میٹرک کے امتحانات میں بطور امیدوار شرکت کی۔

عمر اور اپنے قد کی وجہ سے شرمائے بغیر پپو نے امتحانی مرکز پہنچ کر تمام پرچے دیے اور شدت سے میٹرک کے رزلٹ کا انتظار کرنے لگا۔ پنجاب حکومت کی جانب سے میٹرک کے نتائج کا اعلان کیا گیا تو پپو کی خوشی کا کوئی ٹھکانہ نہ رہا کیونکہ اُس نے 475 نمبر لے کر میٹرک کے امتحانات میں کامیابی حاصل کی۔

پپو کے ہاتھ میں امتحان کا نتیجہ آیا تو دوستوں، پڑوسیوں اور رشتے داروں نے ڈھول کی تھاپ پر بھنگڑے ڈال کر خوشی منائی اور کامیابی پر مبارک باد پیش کرتے ہوئے ہار پہنائے۔

محلے والوں کو اپنے ساتھ بھنگڑے ڈالتا دیکھ کر پپو بھی جذباتی ہوگیا اور اُس نے خوب رقص شروع کیا جس کے بعد دوستوں نے اُس کو کاندھے پر اٹھایا، اس موقع پر تمام افراد کو مٹھائی کھلائی گئی۔

ویڈیو دیکھیں


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں