زیورخ: سوئٹزرلینڈکےشہرزیورخ میں نامعلوم شخص کی اسلامک سینٹرمیں فائرنگ سےتین افرادزخمی ہوگئے۔
تفصیلات کےمطابق سوئس پولیس کاکہناہےکہ زیورخ میں ریلوے اسٹیشن کے قریب واقع اسلامک سینٹرمیں نامعلوم شخص مقامی وقت کے مطابق شام ساڑھے پانچ بجے داخل ہوا۔
مسلح شخص نے اسلامک سینٹرکی مسجدمیں عبادت میں مصروف افرادپرفائرنگ کردی۔فائرنگ سے3نمازی زخمی ہوگئے۔
پولیس کے مطابق حملہ فائرنگ کرنےکے بعدریلوے اسٹیشن کی جانب فرارہوگیاجس کی تلاش کےلیےعلاقے اورملحقہ پل کوسیل کرکےآپریشن کاآغازکردیاگیاہے۔
عینی شاہدین کے مطابق حملہ آور کی عمر تیس سال کے قریب تھی جس نے گہرے رنگ کے کپڑے اور اونی ٹوپی پہنی ہوئی تھی۔
دوسری جانب اسلامک سینٹرکےقریب سےایک لاش ملی ہے جس کی شناخت تاحال نہیں ہوسکی ہے۔
واضح رہے کہ سوئٹزرلینڈ کی آبادی کا تقریباً پانچ فیصد حصہ مسلمانوں کا ہے جن میں سے بہت سے لوگ سابقہ یوگوسلاویا سے ہجرت کر کے آئے ہیں۔
