پیرس : فرانس میں مبینہ طور سے دہشت گردی کے واقعات میں ملوث تین خواتین کو دہشتگردوں کے سہولت کار ہونے پر گرفتار کرلیا گیا ہے۔
غیرملکی خبررساں ادارے کے مطابق فرانسیسی پولیس نے پیرس کے قریب کارروائی کے دوران تین خواتین کو گرفتارکیا ہے، پولیس نے "نوٹروڈام کیتھڈرل” نامی چرچ کے قریب ایک مشتبہ کار کو روک کر اس کی تلاشی لینے کی کوشش کی تو کار میں سوار تین خواتین میں سے ایک نے ایک پولیس اہلکار پر چاقو سے حملہ کردیا، جس کے نتیجے میں پولیس اہلکار زخمی ہوا، پولیس کی جوابی کارروائی میں چاقو بردار خاتون بھی شدید زخمی ہوگئی ہے۔
تینوں مبینہ دہشتگرد خواتین کا تعلق ہفتے کے روز پیرس کے قریب سے ملنے والی نامعلوم گاڑی سے بتایا جاتا ہے، گاڑی میں گیس سے بھرے سیلنڈرز موجود تھے، جو ممکنہ طور پر دہشتگردحملے کیلئے استعمال ہونے تھے۔
مزید پڑھیں : فرانس: قومی دن، ٹرک سے کچل کر84افرادہلاک، 120زخمی
فرانسیسی وزیرداخلہ کا کہنا ہے کہ گرفتار کی گئی خواتین کی عمریں 39، 23 اور 19 سال ہیں، تینوں خواتین مبینہ طور پردہشتگرد حملےکی منصوبہ بندی کررہی تھیں۔
مزید پڑھیں : پیرس حملوں میں 132 افراد ہلاک
یاد رہے کہ گذشتہ برس پیرس میں سات مختلف مقامات پریکے بعد دیگرے دہشت گردوں نےحملوں کئے، جس میں اب تک 132 افرادجان کی بازی ہار چکے تھے جبکہ رواں سال نیس میں تیزرفتار ٹرک قومی دن کی تقریب کےدوران شرکا پر چڑھ دوڑا، جس کے نتیجے میں 84افراد ہلاک جبکہ 120 زخمی ہوگئے تھے۔
