آپ نے اب تک انسانوں کو تو زر اور زمین کے لیے لڑتا دیکھا ہوگا، اور جانوروں کو زن یعنی اپنی مادہ کے لیے بھی لڑتے دیکھا ہوگا۔
لیکن کسی جانور کو زمین کے لیے نہیں لڑتے دیکھا ہوگا، اور جانور بھی وہ جسے اپنی جگہ سے حرکت کرنے کے لیے ہی لمبا وقت درکار ہو، یعنی کچھوا۔
جنوبی افریقہ کے ایک سفاری پارک میں کیمرے نے دو ایسے ہی کچھوؤں کا منظر محفوظ کرلیا جو اپنے ’علاقے‘ کے لیے لڑ رہے تھے۔
یہ ایک بہت ہی نایاب منظر ہے جس میں سست الوجود کچھوے تیزی اور پھرتی سے ایک دوسرے سے لڑتے دکھائی دے رہے ہیں اور ایسا منظر شاذ و نادر ہی دیکھنے کو ملتا ہے۔
مزید پڑھیں: کچھوے اور انسان کی ریس میں کچھوے کو شکست
آپ نے اس سے پہلے کچھوؤں کی ریس کی داستان سنی ہوگی جس میں وہ اپنی مستقل مزاجی سے تیز رفتار خرگوش کو شکست دینے میں کامیاب ہوجاتا ہے۔
تاہم یہ منظر بھی آپ کے لیے دلچسپی کا باعث ہوگا جس میں کچھوؤں کا نیا روپ دکھائی دے رہا ہے۔
