site
stats
حیرت انگیز

چادر میں لپیٹ کر کمر اور ہڈیوں کے درد کا علاج

ٹوکیو: جاپان میں ہڈیوں کے درد کے لیے نیا طریقہ علاج دریافت کیا گیا ہے، جس کے تحت جسم میں پیدا ہونے والی سختی اور تکلیف کو دور کرنے کے لیے متاثرہ شخص کو ایک بڑی چادر میں لپیٹ کر کچھ دیر کے لیے چھوڑ دیا جاتا ہے۔

تفصیلات کے مطابق جاپان کے ماہرین نے سخت محنت کرنے والے افراد میں کمر درد اور ہڈیوں کے درد کی مسلسل شکایات کے بعد ایک طریقہ علاج ایجاد کیا جو بہت تیزی کے ساتھ مقبول ہورہا ہے۔

جاپانی جو طویل اقات تک سخت محنت کرنے کے حوالے سے مشہور ہیں اور وہ دورانِ ڈیوٹی طویل وقت تک اپنی نشست پر بیٹھے رہتے ہیں جس کے باعث انہیں جسم میں طرح طرح کی تکالیف جوڑوں کا دور، جسم میں سختی اور دیگر امراض کی شکایات ہوتی ہے۔

japan-1

ان شکایات کو مدنظر رکھتے ہوئے جاپانی ماہرین نے ایک ایسا علاج دریافت کیا کہ مریضوں کو ایک چادر کی گٹھڑی میں لپیٹ کر کچھ دیر کے لیے چھوڑ دیا جاتا ہے، جس کے بعد متاثرہ شخص کی حالت ایسے ہوجاتی ہے جیسے ایک بچہ ماں کے پیٹ میں سکڑ کر سوتا ہے۔

بالغ شخص کو چادر میں لپیٹنے کو (اڈلٹ باڈی) ریپنگ کا نام دیا گیا ہے، جس کے تحت متاثرہ شخص کے جسم پر ایک کپڑا لپیٹا جاتا ہے کہ مریض کو سانس لینے میں تکلیف نہ ہو  جبکہ یہ کپڑا 15 سے 20 منٹ تک باندھ کر چھوڑ دیا جاتا ہے۔انوکھے طرز علاج سے متاثر ہوکر جاپانیوں کی بڑی تعداد اسے اپنا رہی ہے۔

خیال رہے پرانے لوگ خاص طور پر بزرگ خواتین نومولود بچوں کو سکون دینے یا پیدائش کےوقت آنے والے نقائض دور کرنے کے لیے چادر میں لپیٹ کر ان کا علاج کرتی ہیں تاہم جاپان میں یہی طریقہ بالغ افراد پر اپنایا جارہا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top