site
stats
عالمی خبریں

امریکی صدر ڈونلڈ ٹرمپ کی پوپ فرانسس سے ملاقات

ویٹیکن سٹی : امریکا کے صدرڈونلڈ ٹرمپ نے ویٹیکن میں کیتھولک عیسائیوں کے روحانی پیشوا پوپ فرانسس سے ملاقات کی، صدرٹرمپ کا کہنا تھا کہ پوپ سے ملاقات اعزاز کی بات ہے۔

غیرملکی خبرایجنسی کے مطابق امریکی صدر ٹرمپ ویٹیکن پہنچے تو سوئس گارڈز نے روایتی اندازمیں ان کا استقبال کیا، صدرٹرمپ کا کہنا تھا پوپ سے ملاقات اعزازکی بات ہے، صدرٹرمپ نے پوپ سے علیحدگی میں ملاقات کے بعد اپنے وفد کا تعارف پوپ سے کرایا، ان میں خاتون اول میلانیا ٹرمپ بھی شامل تھیں۔

 

اس موقع پر تحائف کا تبادلہ بھی ہوا، صدرٹرمپ نے پوپ کومارٹن لوتھر کنگ کی کتابیں پیش کیں جبکہ پوپ نے ٹرمپ کا ایک رومن آرٹسٹ کا تیار کردہ میڈل پیش کیا، جس پر امن کی علامت زیتون بنا ہوا تھا۔

صدر نے تحفہ قبول کرتے ہوئے کہا کہ “ہم امن کو استعمال کر سکتے ہیں۔

پوپ نے ٹرمپ سے کہا کہ “میں نے اس پر خود دستخط کیے ہیں جبکہ پوپ فرانسس نے امریکی صدر کو تین کتابوں کا تحفہ بھی دیا، جس پر صدر کا کہنا تھا کہ وہ انھیں ضرور پڑھیں گے۔

بعد ازاں ٹرمپ برسلز روانہ ہو جائیں گے جہاں وہ نیٹو اجلاس میں شرکت کریں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top