کولراڈو: امریکا میں پہلے ’سپر ٹیوز ڈے‘ پر ووٹنگ میں برتری حاصل کرنے کے بعد ٹرمپ کے مقابلے میں نکی ہیلی کا صدارتی دوڑ سے باہر ہونے کا امکان پیدا ہو گیا ہے۔
غیر ملکی میڈیا رپورٹس کے مطابق کولراڈو سے سابق امریکی صدر ڈونلڈ ٹرمپ سر فہرست ریپبلیکن صدارتی امیدوار بن کر سامنے آ گئے، پارٹی کی جانب سے صدارتی امیدوار منتخب ہونے کے لیے 15 ریاستوں میں انتخابات کا انعقاد کیا گیا۔
ڈونلڈ ٹرمپ کو حریف نکی ہیلی پر غیر معمولی برتری حاصل ہو گئی ہے، انتخاب کے بعد نکی ہیلی کا صدارتی دوڑ سے باہر ہونے کا امکان ہے، دوبارہ صدارت کے لیے امیدوار جو بائیڈن نے بھی شمالی کیرولائنا میں پرائمری الیکشن جیت لیا ہے۔
امریکا میں طیارہ کریش ہونے کی دل دہلا دینے والی ویڈیو سامنے آ گئی
دوسری طرف امریکی سپریم کورٹ نے سابق صدر ڈونلڈ ٹرمپ کو صدارتی الیکشن لڑنے کے لیے اہل قرار دے دیا ہے، 9 صفر سے متقفہ فیصلے میں کہا گیا تھا کہ ریاستوں کی سپریم کورٹس کسی صدارتی امیدوار کی نااہلی کا تعین نہیں کر سکتیں، واضح رہے کہ کولراڈو کی سپریم کورٹ نے 2021 میں فسادات بھڑکانے پر سابق صدر کو گزشتہ دسمبر میں صدارتی الیکشن سے باہر کر دیا تھا۔
سپریم کورٹ کا فیصلہ کولراڈو میں پرائمری ووٹنگ مرحلے سے ایک دن پہلے آیا ہے، فیصلے کا اطلاق تمام ریاستوں پر ہوگا، ڈونلڈ ٹرمپ نے اپنی سوشل میڈیا سائٹ پر لکھا یہ امریکا کی بڑی جیت ہے، ڈیموکریٹ رہنما ڈاکٹر آصف ریاض قدیر نے کہا ٹرمپ کو عدالتی میدان میں جیت ملی ہے تاہم انتخابی میدان میں بائیڈن انھیں شکست دے دیں گے۔
