ممبئی: شوٹنگ کے دوران خودکشی کرنے والی نوجوان اداکارہ تونیشا شرما اور ساتھی اداکار شیزان خان کی والدہ کی واٹس ایپ چیٹ و تصاویر سامنے آگئیں۔
تونیشا شرما کو مبینہ طور پر خودکشی پر اُکسانے کے جرم میں گرفتار اداکار شیزان خان کی والدہ کہکشاں نے اداکارہ کے ساتھ گزشتہ سال 12 اکتوبر کی صبح 8 سے 9 کے درمیان کی گئی بات چیت انسٹاگرام پر شیئر کر دی۔
متعلقہ: تونیشا کی موت کے بعد شیزان نے فون پر 2 گھنٹے کس سے بات کی؟
واٹس ایپ چیٹ کے مطابق تونیشا کہہ رہی ہیں: ’جب میرے ساتھ کوئی نہیں کھڑا مجھے پتا ہے آپ اور آپی ہمیشہ کھڑے رہو گے۔ بہت پیار کرتی ہوں آپ دونوں سے۔ فکر نہ کریں سب ٹھیک ہوگا۔ میں یہیں ہوں آپ کے پاس۔‘
جواب میں کہکشاں کہتی ہیں: ’تم ہمیشہ خوش رہو بیٹا۔ تمہاری صحت ٹھیک رہے بس، آمین۔‘
کہکشاں نے واٹس ایپ چیٹ کے ساتھ تونیشا شرما کے ساتھ لی گئی تصاویر بھی پوسٹ کی ہیں جن میں دونوں انتہائی خوش نظر آ رہے ہیں۔
متعلقہ: خودکشی سے 15 منٹ قبل تونیشا کی والدہ اور شیزان میں کیا بات ہوئی تھی؟
شیزان خان کی والدہ نے انسٹاگرام پر پوسٹ شیئر کرتے ہوئے اس کے ساتھ طویل کیپشن بھی تحریر کیا۔
