The news is by your side.

Advertisement

ترکی میں فوج کی ناکام بغاوت پر فلم بنانے کا فیصلہ

استنبول: ترکی کی فلم انڈسٹری کی ایک معروف فرنچائز کے پروڈیوسر نے اعلان کیا ہے کہ وہ ترکی میں ہونے والی فوج کی ناکام بغاوت پر فلم بنائیں گے۔

فلم میں مرکزی کردار ترکی کے مشہور اداکار پولاط علمدار ادا کریں گے جنہیں ’ترک جیمز بونڈ‘ کا نام دیا جاتا ہے۔

turkey-2

یہ اعلان ترکی کی مشہور فلم کمپنی پانا فلمز نے کیا ہے۔ ان کی ٹیلی ڈرامہ سیریز ’ویلی آف دا وولوز‘ طویل عرصہ سے جاری ہے اور یہ ترکی میں مقبولیت کی بلندیوں پر ہے۔ پروڈیوسر کے مطابق اس کی اگلی قسط فوج کی ناکام بغاوت پر مبنی ہوگی اور اسے ’ویلی آف دا وولوز ۔ کوپ‘ کا نام دیا جائے گا۔

مزید پڑھیں: ترکی میں ناکام بغاوت: 45 اخبارات اور 18 ٹی وی چینلز کی نشریات بند

اس سیریز میں اس سے قبل عراق پر امریکی حملے پر مبنی قسط بھی پیش کی جاچکی ہے جسے تعریف اور تنقید دونوں کا سامنا کرنا پڑا۔

اس میں 2010 میں غزہ جانے والے ترکی امدادی جہاز پر اسرائیلی حملہ کو بھی پیش کیا جاچکا ہے۔

turkey-3

پانا فلمز اس کے علاوہ بھی اپنی سیریز میں دیگر کئی متنازع موضوعات کو فلم بند کر چکی ہے تاہم ذرائع کے مطابق انہیں ترک وزیر اعظم طیب اردگان کی تائید حاصل ہے یہی وجہ ہے کہ یہ پروڈکشن ہاؤس ابھی تک اپنا کام جاری رکھے ہوئے ہے۔

Print Friendly, PDF & Email

Comments

comments

یہ بھی پڑھیں