کیلیفورنیا : سماجی رابطے کی ویب سائٹ ٹویٹر کا کہنا ہے کہ گزشتہ چھ ماہ میں دو لاکھ سے زائد ایسے اکاونٹس بند کردیئے گئے ہیں، جو سوشل میڈیا کے زریعے دہشتگردوں کو فروغ دے رہے تھے۔
ٹویٹر کی جانب سے پیغام میں کہا گیا ہے کہ ہم ہر قسم کی دہشتگردی کی مذمت کرتے ہیں اس بات پر قائم رہیں گے کہ اپنے ادارے کو دہشتگرد کے لیئے استعمال نہ ہونے دیں، اس لئے گزشتہ چھے ماہ میں دو لاکھ پینتیس ہزار ایسے اکاونٹس بند کیئے گئے ہیں، جو کسی بھی طرح سے دہشتگردی کو فروغ دے رہے تھے۔
Pro-ISIS group berates supporters for leaving the ‘Twitter battlefield’ https://t.co/EsOvJpD9vO pic.twitter.com/6EHCTbZZzX
— Vocativ (@vocativ) July 27, 2016
ویب سائٹ حکام کے مطابق یہ اقدام سوشل میڈیا پر دہشتگردی کی حمایت بڑھ جانے کے بعد اٹھایا گیا، جن میں سوشل میڈیا کو دہشتگردوں کی مدد کے لیئے استعمال کرنا سامنے آیا تھا تاہم ابھی ہمارا کام مکمل نہیں ہوا اور ایسے تمام اکاونٹس کو بند کر دیں گے، جو ویب سائٹ کے قوانین کی خلاف ورزی کر رہے ہیں۔
At least hundreds and probably thousands of ISIS Twitter accounts suspended in last 24 hours, many key users within minutes of creating.
— J.M. Berger (@intelwire) June 18, 2016
یاد رہے کہ ٹوئٹرانتظامیہ نے 2015 میں 3 لاکھ 60 ہزار ایسے مشتبہ اکاؤنٹس بند کئے تھے، جن کے بارے یہ شکایات موصول ہوئیں کہ یہ اکاؤنٹس دہشت گرد اور انتہاپسند تنظیموں اور ان کی کارروائیوں کو سپورٹ کرتے ہیں۔
واضح رہے کہ پاکستان میں بھی سوشل میڈیا کے غلط استعمال بارے سائبرکرائم ایکٹ منظورکیا جاچکا ہے جس کے تحت ایسے افرادکو سزادی جاسکتی ہے
