دبئی : متحدہ عرب امارات کی ٹیلی کام کمپنی اتصالات نے اپنے صارفین کو بڑی خوشخبری سنادی ہے۔
میڈیا رپورٹ کے مطابق اتصالات کی جانب اعلان کیا گیا ہے کہ اس پوسٹ پیڈ اور پری پیڈ صارفین ڈیٹا پلان خریدے بغیر عوامی مقامات پر الہسن ایپ کا استعمال کرسکیں گے کیونکہ الہسن ایپ کو وائٹ لسٹ کردیا گیا ہے لہذا الہسن ایپ استعمال کرتے ہوئے سبسکرائبر کے الاؤئنس سے ڈیٹا استعمال نہیں کیا جائے گا۔
اتصالات کے چیف کنزیومر آفیسر خالد الخولی کا کہنا تھا کہ ہمیں الہسن ایپ تک زیرو ریٹڈ رسائی کا اعلان کرکے خوشی ہوئی ہے، یہ اتصالات کے صارفین کے تجربے کو بہتر کرنے کے عزم کا ثبوت ہے، جس کا مقصد جدید موبائل ٹیکنالوجیز کو کووڈ نائنٹین وائرس پر قابو پانے اور ملک کے تمام شہریوں،رہائشیوں اور سیاحوں کی صحت اور حفاظت کو برقرار رکھنے میں حکومت کی کوششوں کی حمایت کرنا ہے۔
یہ بھی پڑھیں: ابوظبی: صحۃ سہولیات پر آنے والے مریض اور تیماردار یہ کام ضرور کریں
یاد رہے کہ گذشتہ ماہ کی بیس تاریخ سے ابوظبی کے عوامی مقامات پر صرف گرین پاس کے حامل افراد ہی داخل ہوسکتے ہیں، گرین پاس الہسن ایپ سے حاصل کیا جاسکتا ہے، مکمل ویکسین کرانے والے افراد کے پی سی آر کروانے پر گرین پاس تیس دنوں کے لئے ایکٹیویٹ ہوجاتا ہے۔
یہی نہیں الہسن ایپ پی سی آر ٹیسٹوں کی مکمل ہسٹری مہیا کرنے کے ساتھ ساتھ ویکسین اسٹیٹس کے بارے میں بھی معلومات فراہم کرتی ہے۔
