برطانوی عام انتخابات میں پاکستانی نژاد روزینہ ایلن خان لندن کے علاقے ٹوٹنگ سے ایک مرتبہ پھر فتح حاصل کرنے میں کامیاب ہوگئیں۔
غیر ملکی ذرائع ابلاغ کے مطابق پاکستانی نژاد روزینہ ایلن خان نے کاسٹ کیے گئے ووٹس میں سے 55 فیصد ووٹ حاصل کیے، انہوں نے 29 ہزار 209 ووٹ لے کر کامیابی حاصل کی۔
گزشتہ انتخابات میں پاکستانی نژاد خاتون روزینہ ایلن خان نے یہاں سے 30 ہزار سے زائد ووٹ لیے تھے۔
یاد رہے کہ برطانوی عام انتخابات میں 650 میں سے 510 نشستوں کے نتائج سامنے آ گئے۔510 میں سے لیبر پارٹی 354، کنزرویٹو پارٹی 77 اور لب ڈیم 49 نشستوں پر کامیاب ہوئی ہے
برطانیہ کے نومنتخب وزیرِاعظم کیئر اسٹارمر کون ہیں؟
سربراہ لیبر پارٹی سرکیئر اسٹارمر کا عوام سے خطاب میں کہنا تھا کہ اتنے بڑے مینڈیٹ کے ساتھ اتنی بڑی ذمہ داری بھی عوام نے دی، برطانوی عوام کی خدمت کریں گے۔انہوں نے کہا کہ ملک کے عوام نے تبدیلی کا ووٹ دیا، عوام نے فیصلہ سنادیا وہ تبدیلی کیلئے تیار ہیں۔
