The news is by your side.

Advertisement

برطانیہ میں‌ چوری کی عجیب و غریب واردات

مانچسٹر: برطانیہ کے گاؤں میں چوری کی ایسی عجیب و غریب واردات ہوئی جس نے سب کو چکرا کر رکھ دیا ہے۔

نمائندہ اے آر وائی نیوز کے مطابق برطانیہ کے علاقے ویسٹ سسیکس کے ایک گاؤں میں چوری کی عجیب واردات ہوئی جس میں نامعلوم چور فٹ پاتھ کے فرش کی پرانی ٹائلز اکھاڑ کر لے گئے۔

علاقہ مکین جب صبح سو کر اٹھے تو فٹ پاتھ پر ٹائلز موجود نہیں تھے جسے دیکھ کر وہ سکتے میں آگئے۔ پولیس حکام کے مطابق چوری کی عجیب و غریب واردات سیسیکس کے گاؤں انسٹورنگٹن میں ہوئی ہے۔

پولیس کے مطابق شہریوں نے اطلاع دی کہ وہ جب صبح جب گھروں سے کام کے لیے نکلے تو فٹ پاتھ پر لگی ٹائلز غائب تھیں جس کے بعد انہوں نے مقامی کونسل کے عہدیداران کو واقعے سے مطلع کیا۔

مزید پڑھیں: برطانیہ میں‌ چوری کی انوکھی واردات

مقامی کونسل کی شکایت پر پولیس نے واقعے کی رپورٹ درج کر کے تفتیش شروع کردی، جس کے تحت علاقے میں لگی سی سی ٹی وی فوٹیج حاصل کی گئیں ہیں۔ پولیس نے علاقے کو سیل کر کے شہریوں کی آمد و رفت پر بھی پابندی عائد کردی ہے۔

واضح رہے کہ یہ واقعہ دو روز قبل پیش آیا، پولیس کو ابھی تک اس حوالے سے کوئی کامیابی نہیں مل سکی۔

Comments

یہ بھی پڑھیں