ماسکو: یوکرین کی فوج نے روس کے زیر تسلط علاقے لوہانسک پر بمباری کی ہے جس کے نتیجے میں 20 افراد ہلاک ہو گئے۔
روئٹرز کے مطابق روس کی وزارت ہنگامی صورت حال نے کہا ہے کہ ہفتے کے روز مشرقی یوکرین میں روسی زیر قبضہ علاقے لوہانسک کے شہر لائسیچانسک میں ایک بیکری والی عمارت پر یوکرین نے حملہ کیا، جس کے بعد ملبے سے 20 افراد کی لاشیں نکالی جا چکی ہیں۔
اس واقعے میں دس افراد زخمی بھی ہوئے ہیں، روسی حکام کا دعویٰ ہے کہ حملے میں یوکرین نے مغربی ممالک سے حاصل کیے گئے ہتھیاروں کا استعمال کیا۔ یوکرینی حکام نے اس واقعے پر کوئی بیان جاری نہیں کیا ہے۔
Dozens were trapped under the rubble of a bakery in the Russian-controlled city of Lysychansk in eastern Ukraine’s Luhansk region, in what a local official said was an attack by Ukrainian military forces https://t.co/Bvqyx1WiVk
— Bloomberg UK (@BloombergUK) February 3, 2024
روسی وزارت خارجہ کی ترجمان ماریا زخارووا نے کہا کہ حملے کے وقت عمارت میں درجنوں شہری موجود تھے، روس کے زیر کنٹرول لوہانسک انفارمیشن سینٹر نے کہا کہ یوکرین نے امریکی فراہم کردہ ہائی موبلٹی آرٹلری راکٹ سسٹم (HIMARS) کا استعمال کرتے ہوئے بیکری پر گولہ باری کی۔
