The news is by your side.

Advertisement

علما کمیٹی کا مولانا عادل کے قاتلوں کی گرفتاری کے لیے 48 گھنٹے کی مہلت

کراچی: علما کمیٹی نے مولانا عادل خان کے قاتلوں کی گرفتاری کے لیے 48 گھنٹے کی مہلت دے دی۔

اے آر وائی نیوز کی رپورٹ کے مطابق علما کمیٹی نے مولانا عادل خان کے قاتلوں کی گرفتاری کے لیے 48 گھنٹے کی مہلت دے دی گئی، مولانا عادل خان کو گزشتہ روز کراچی کے علاقے شاہ فیصل کالونی میں شہید کردیا گیا تھا۔

اعلامیہ کے مطابق مولانا عادل کے قاتل گرفتار نہ ہوئے تو ہڑتال اور احتجاج کیا جائے گا، قاتلوں کی عدم گرفتاری پر ملک گیر پہیہ جام ہڑتال اور احتجاج کیا جائے گا۔

علما کمیٹی کراچی کا کہنا ہے کہ مولانا عادل کے قتل اور نماز جنازہ کے بعد پر امن ہیں، رسمی بیانات کے بجائے سنجیدہ اقدامات اٹھائے جائیں۔

مزید پڑھیں: مولانا عادل قتل کیس میں اہم پیشرفت

اعلامیے کے مطابق مولانا عادل خان کے ادارے سمیت دیگر علما کو سیکیورٹی فراہم کی جائے۔

واضح رہے کہ کراچی کے علاقے شاہ فیصل کالونی میں گزشتہ روز مولانا عادل خان کو ٹارگٹ کرکے شہید کردیا گیا تھا، ان کے قاتلوں کو پولیس تاحال گرفتار نہیں کرسکی ہے۔

کراچی میں امن و امان کی صورت حال پر قابو پانے کے لیے سندھ حکومت کی جانب سے ڈبل سواری پر پابندی عائد کی گئی تھی جسے اب سے کچھ دیر قبل ختم کردیا گیا ہے۔

Comments

یہ بھی پڑھیں