کولکتہ: بھارتی وزیر اعظم نریندر مودی نے بدھ کو دو شہروں کو ملانے والی زیر آب ریل سروس کا افتتاح کر دیا۔
بھارتی میڈیا رپورٹس کے مطابق بھارت میں میٹرو سروس کے آغاز کو 40 چالیس ہو رہے ہیں اور اب پہلی بار ملک میں زیر آب میٹرو ریل سروس کا افتتاح کیا گیا ہے۔
پانی کے اند بنائی گئی میٹرو ٹنل جڑواں شہروں کولکتہ اور ہاوڑہ کو آپس میں جوڑے گی، جو ریاست مغربی بنگال میں دریائے ہوگلی کے دونوں کناروں پر آباد ہیں، یہ ٹرین صرف 45 سیکنڈ میں 520 میٹر کا زیر آب راستہ طے کرے گی۔
دہلی میں دریائے جمنا پر میٹرو ریل سروس کے لیے پل بنائے گئے ہیں، لیکن کولکتہ میں جگہ کی کمی کے باعث ایسا ممکن نہ تھا، ایسٹرن ریلویز کے مطابق پانی کے نیچے سب وے ریلوے کے لیے ایک محفوظ اور کم لاگت والا آپشن تھا۔
PM Modi will inaugurate India’s first underwater metro rail service today in Kolkata. pic.twitter.com/JyDLb1ZMax
— Indian Tech & Infra (@IndianTechGuide) March 6, 2024
A boost for Kolkata’s infrastructure!
Here are highlights from the interaction earlier today during the metro journey. pic.twitter.com/OU6FahtN3w
— Narendra Modi (@narendramodi) March 6, 2024
میٹرو کا 4.8 کلومیٹر طویل حصہ 49.65 ارب روپے کی لاگت سے بنایا گیا ہے، اس روٹ پر سب سے گہرا میٹرو سٹیشن ہاوڑہ میں ہوگا جو سطح زمین سے 30 میٹر نیچے ہے، ریلوے نے سرنگ کے دونوں اطراف واک وے بنائے ہیں، جو ہر 25 میٹر کے بعد وینٹیلیشن شافٹ سے جڑے ہوئے ہیں، ایمرجنسی کے دوران شافٹ کے ذریعے مسافروں کو باہر نکالا جا سکتا ہے۔
وزیر اعظم مودی نے بدھ کو زیر آب ٹنل میں میٹرو کا پہلا سفر کیا، جس میں اسکول کے کئی طلبہ بھی سوار تھے۔ ریل حکام نے پانی کے نیچے رہنے کا احساس دلانے کے لیے نیلی روشنیوں کے ساتھ سرنگوں کی اندرونی دیواروں پر خصوصی لائٹس نصب کی ہیں۔
