The news is by your side.

Advertisement

اردو یونیورسٹی میدان جنگ بن گئی، طلبہ کے ساتھ طالبات بھی زخمی

کراچی : وفاقی اردو یونیورسٹی گلشن اقبال کیمپس طلبہ تنظیموں میں کشیدگی کے باعث میدان جنگ کا منظر پیش کرنے لگی۔

اس حوالے سے ذرائع کا کہنا ہے کہ دو طلبہ تنظیموں کے کارکنوں میں معمولی بات پر جھگڑا ہوا جس کے باعث ایک طالب علم زخمی ہوا جب کہ جامعہ میں خوف و ہراس پھیل گیا۔

یونیورسٹی حکام کے مطابق جھگڑے کے دوران طالبات سمیت متعدد طلبا بی زخمی ہوئے ہیں، پولیس متعدد طلباء کو گرفتار کرکے تھانے لے گئی ہے۔

یونیورسٹی حکام نے میڈی اکو مزید تفصیلات بتاتے ہوئے کہا کہ وفاقی اردو یونیورسٹی گلشن اقبال کیمپس میں صبح اورسہ پہر میں امتحانات جاری ہیں۔

فوٹو فائل

واضح رہے کہ ایک ہفتے قبل وفاقی اردو یونیورسٹی عبدالحق کیمپس میں دو طلبہ تنظیموں کے درمیان خوفناک تصادم ہوا تھا جس کے نتیجے میں طالبعلم زخمی ہوگیا، پولیس نے جھگڑے میں مبینہ طور پر ملوث 5 طلبہ کو گرفتار کیا تھا۔

Comments

یہ بھی پڑھیں