اسلام آباد : چیف الیکشن کمشنر سکندر سلطان سے ملاقات میں امریکی سفیر ڈونلڈ بلوم نے آزادانہ اور منصفانہ انتخابات کی حمایت کی یقین دہانی کرادی۔
تفصیلات کے مطابق امریکی سفارتخانے کے ترجمان کی جانب سے بیان میں کہا گیا ہے کہ پاکستان میں تعینات امریکی سفیرڈونلڈ بلَوم نے چیف الیکشن کمشنر سکندر سلطان راجا سے اسلام آباد میں ملاقات کی۔
ترجمان کا کہنا تھا کہ ملاقات میں پاکستان کےآئین اورقانون کے مطابق آزادانہ اورمنصفانہ انتخابات کے انعقاد کیلئے امریکہ کی حمایت کی یقین دہانی کروائی گئی۔
- Advertisement -
امریکی سفیر ڈونلڈ بلوم نے زور دیا کہ پاکستان کے مستقبل کے رہنماؤں کا انتخاب کرنا پاکستانی عوام کا کام ہے۔ امریکہ دوطرفہ تعلقات کومزید گہرا اور وسیع کرنے کے لیے پاکستانیوں کے منتخب کردہ نمائندوں کے ساتھ ملکرکام کرتا رہے گا۔
