کراچی: امریکی قونصل خانے کا کہنا ہے کہ گزشتہ سال کراچی سے انہوں نے امریکہ کے 20 ہزار ویزے جاری کیے۔
امریکی قونصل جنرل آفس نے یہ انکشاف سماجی رابطے کی ویب سائٹ پرکیا ہے جہاں نان امیگرینٹ ویزہ سے متعلق سوال کیا گیا تھا۔
امریکی قونصل خانے کی ٹیم کے ممبران ہرایک شخص سے گفگتو کرتے ہیں اوران کے مخصوص حالات میں امریکی قانون کے مطابق ان کی اہلیت جانچتے ہیں۔
- Advertisement -
امریکی قونصل خانے کے مطابق ان کی کوشش ہوتی ہے کہ ویزہ کے لئے اپلائی کرنے والوں کا انٹرویو جلد اوردوستانہ ماحول میں ہو۔
ان کا کہنا تھا کہ پماری کوشش ہوتی ہے کہ جائزطریقے سے امریکہ جانے کے خواہش مند ہر شخص کے ساتھ بھرپورتعاون کیا جائے ، ساتھ ہی ساتھ امریکی شہریوں اورامریکہ کا سفر کرنے والوں کی حفاظت ہماری اولین ترجیح ہے۔
