site
stats
عالمی خبریں

امریکی بحری جنگی جہاز تجارتی جہاز سے ٹکرا گیا،7 اہلکار لاپتہ

ٹوکیو : امریکا کا بحری جنگی جہازجاپان کےساحل کے قریب فلپائن کے تجارتی جہاز سے ٹکرا گیا، حادثے میں جہاز کے کمانڈنگ افسر سمیت تین افراد زخمی ہوئے جبکہ عملے کے سات اہلکار لاپتہ ہیں۔

امریکی بحریہ کا تباہ کن جنگی جہاز یو ایس ایس فٹزجیرلڈ سنیچر کو جاپان کے جنوب مغربی ساحل یوکوسوکا سے 56 ناٹیکل میل یعنی 103 کلومیٹر دور اے سی ایکس کرسٹل نامی تجارتی جہاز ٹکرا گیا۔

حادثے میں جہاز کے عملے کے سات اہلکار لاپتہ ہیں جبکہ زخمیوں میں جہاز کے کمانڈنگ افسر بھی شامل ہیں جنھیں ہیلی کاپٹر کے ذریعے ہسپتال پہنچایا گیا ہے۔

تصادم میں امریکی جنگی جہازدائیں حصے کوشدید نقصان پہنچا، حادثے کا شکارامریکی جہاز دنیا کے جدید ترین جنگی جہازوں میں شامل ہے جس میں انتہائی جدید ریڈارسسٹم بھی نصب ہے۔

امریکی بحریہ کے آپریشن چیف ایڈمیرل جان ریچرڈسن نے سماجی رابطے پر جاری پیغام میں کہا ہے کہ مزید معلومات کیلئے ہم فٹزجیرلڈ کے اہل خانہ سے رابطہ کریں گے اور ابھی ہماری ساری توجہ فٹزجیرلڈ کے عملے اور ان کے اہل خانہ پر موکوز ہے، اگر مناسب ہوا تو عوام سے شیئر کریں گے۔

کوسٹ گارڈ نے کہا کہ اے سی ایکس کرسٹل کنٹینر جہاز پر فلپائن کا پرچم لہرا رہا تھا اور اس کا وزن 30 ہزار ٹن سے قدرے کم تھا لیکن یہ امریکی جنگی جہاز سے تین گنا وزنی تھا۔

جاپانی میڈیا کے مطابق اس حادثے میں تجارتی جہاز کو بہت کم نقصان ہوا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top