امریکی نائب صدر کاملا ہیرس نے حماس سے مطالبہ کیا ہے کہ وہ جنگ بندی پر راضی ہوجائیں، امریکی نائب صدر کاملا ہیرس نے اسرائیل کو غزہ میں امداد کی ترسیل پر بھی پر زور دیا۔
بین الاقوامی خبر رساں ادارے کی رپورٹ کے مطابق تقریب سے خطاب کرتے ہوئے امریکی نائب صدر کاملا ہیرس نے کہا کہ انہوں نے حماس سے مطالبہ کیا ہے کہ وہ فوری طور پر چھ ہفتے کی جنگ بندی پر رضامند ہوجائیں۔
امریکی نائب صدر کاملا ہیرس کا کہنا تھا کہ اسرائیل کو تباہ شدہ علاقوں میں امداد کی ترسیل بڑھانے کے لیے اقدامات کرنا ہوں گے، غزہ میں بے گناہ لوگ انسانی تباہی کا شکار ہیں۔
امریکی نائب صدر کا کہنا تھا کہ غزہ میں لوگ بھوک سے مررہے ہیں، وہاں کے حالات غیرانسانی ہیں، اسرائیلی حکومت کو بغیر کسی بہانے کے امداد کی ترسیل میں نمایاں اضافہ کرنا ہوگا۔
بھارت: ہسپانوی سیاح کو اجتماعی زیادتی کا نشانہ بنانے 3 ملزمان گرفتار
انہوں نے کہا کہ اس وقت میز پر ایک معاہدہ موجود ہے، حماس کو اس معاہدے پر رضامندی کی ضرورت ہے۔ غزہ میں قیمتی جانوں کے ضیاع کے بعد وہاں فوری جنگ بندی ہونی چاہیے۔