لندن : دنیا کے تیز ترین انسان یوسین بولٹ نے برطانوی شہزادے ہیری کا دوڑنے کا چیلنج قبول کرلیا ہے اور مقابلے کے لیے لندن پہنچ گئے ہیں۔
شہزادے ہیری نے دو روز قبل دنیا کے تیز ترین انسان کی سالگرہ پر ٹوئٹ کیا تھا، جس میں انہوں نے ریو اولمپکس میں شاندار کارکردگی دکھانے پر یوسین بولٹ کو مبارکباد پیش کی اور انہیں عظیم ایتھلیٹ قرار دیا اور ساتھ ساتھ ایک بار پھر ٹریک پر مقابلے کی پیشکش کی، یوسین بولٹ نے اس چیلنج کو قبول کرلیا ہے اور جمیکا سے لندن پہنچ گئے ہیں۔
Congratulations @usainbolt – now you’re officially the greatest you might be ready for a re-run! Happy 30th -H. pic.twitter.com/Wa0yOZMDc2
— Kensington Palace (@KensingtonRoyal) August 21, 2016
ٹوئٹ میں شہزادہ ہیری نے ایک پوسٹ بھی شیئر کی ہے، جس میں دیکھا جاسکتا ہے کہ شہزادہ ہیری اور یوسین بولٹ ایک ساتھ بھاگ رہے ہیں اور ہیری انہیں شکست دے رہے ہیں، ہیری کے ٹویٹر پر چیلنج پر ہزاروں لوگوں نے اسے پسند کیا۔
Let’s do it. Respect for the bday wishes https://t.co/HS6wGKrD86
— Usain St. Leo Bolt (@usainbolt) August 22, 2016
یاد رہے کہ چار سال قبل بھی شہزادے ہیری نے ٹریک پر یوسین بولٹ کو تیس میٹر دوڑنے کا چیلنج کیا تھا لیکن ریس شروع ہونے پہلے ہی ہیری نے دوڑ لگا دی تھی جس پر دیکھنے والوں کے چہرے پر مسکراہٹ بکھر گئی تھی۔
اب دیکھنا ہے کہ اس مرتبہ ہنری یوسین سے جیتنے کے لیے کیا ترکیب لڑاتے ہیں۔