وینا اور اسد کا معاملہ، مفتی نعیم بھی میدان میں آگئے Veena Malik
The news is by your side.

Advertisement

وینا اور اسد کا معاملہ، مفتی نعیم بھی میدان میں آگئے

کراچی: وینا ملک اور اسد خٹک کے درمیان جاری تعلقات کو بحال کروانے کے لیے معروف مذہبی اسکالر مفتی نعیم میدان میں آگئے، کہتے ہیں کہ دونوں فریقین کے درمیان علیحدگی کی صورت میں بچوں کے لیے صورتحال سنگین ہوجائے گی۔

اے آر وائی نیوز سے خصوصی گفتگو کرتے ہوئے مفتی نعیم نے کہا کہ ’’وینا ملک اور اُن کے خاوند نے اپنے حالات تفصیلی بتائے جس کے بعد دونوں کو جمعرات کے روز مسئلہ حل کرنے کے لیے بلوایا ہے‘‘۔

انہوں نے کہا کہ ’’وینا ملک اور اسد خٹک کے درمیان اگر علیحدگی ہوگئی تو بچوں کے لیے بہت مسائل پیدا ہوں گے، وینا اور اسد کی شادی ہوجائے گی مگر بچے اس چکر میں کہیں کے نہیں رہیں گے‘‘۔

یاد رہے آج وینا ملک نے اپنے شوہر سے علیحدگی کے لیے عدالت میں خلع کی درخواست جمع کروائی ہے، اداکارہ کے والد کا مؤقف ہے کہ اسد خٹک گھر کے معاملات چلانے میں سنجیدہ نہیں اس لیے تین سال سے وینا خود محنت کررہی تھیں۔


Veena Malik’s father tells what led to… by arynews

دوسری جانب اسد خٹک نے وینا کے خلع کی درخواست پر افسوس کا اظہار کرتے ہوئے کہا ہے کہ ’’ہمارے درمیان کوئی ایسی بات نہیں تھی، تاہم میں پرامید ہوں کہ مسئلے جلدی حل ہوجائے گا کیونکہ میں وینا سے بہت محبت کرتا ہوں‘‘۔

پڑھیں: ’’ اداکارہ وینا ملک نے اپنے شوہر اسد خٹک سے خلع لے لیا ‘‘

انہوں نے لوگوں سے دعاؤں کی اپیل کرتے ہوئے کہا کہ ’’آج وینا کے فیصلے سے دل کو بہت تکلیف پہنچی اور اسے میرا آخری دن ہی سمجھا جائے‘‘۔

Comments

comments

یہ بھی پڑھیں