ترکیہ اور شام میں دو روز قبل آنے والے قیامت خیز زلزلے سے ہلاکتوں میں مسلسل اضافہ ہو رہا ہے اور مرنے والوں کی تعداد 8800 سے تجاوز کرگئی ہے۔
تاہم ان دو دن کے دوران ترکیہ اور شام سے کئی ایسی ویڈیوز سوشل میڈیا پر وائرل ہورہی ہیں جو کسی معجزے سے کم نہیں لگتی۔
اسی طرح ایک ویڈیو پر سوشل میڈیا پر موجود ہیں جس میں دیکھا جاسکتا ہے کہ ریسکیو کی ٹیم نے کس طرح ایک بلی کو ملبے سے زندہ بچایا ہے۔
https://twitter.com/ArbabShafiq2/status/1623184867855941632?s=20&t=V8n8dVKnakAjZ7gfGbMtbA
ویڈیو میں دیکھا جاسکتا ہے کہ بلی ملبے تلے دبی ہوئی تھی، جب اسے نکالا گیاتو وہ نڈھال ہوکر باہر نکلتی ہے۔
واضح رہے کہ ترکیہ میں کتے اور بلی سڑکوں پر، ریسٹورنٹ میں اور دیگر مقامات پر دگنی تعداد میں گھومتی ہیں، اس لیے سوشل میڈیا پر اس حادثے کے بعد کئی جانوروں کو بھی ریسکیو کرنے کی ویڈیو اور تصاویر موجود ہے۔
ترکیہ کے جنوبی علاقے اور اس سے متصل ملک شام میں پیر کی علی الصباح اس وقت 7.8 شدت کا قیامت خیز زلزلہ آیا تھا جب لوگ گہری نیند سو رہے تھے۔
شام میں ملبے تلے دبی خاتون کے ہاں بچے کی پیدائش
ویڈیو: شام میں 40 گھنٹے سے ملبے میں پھنسے خانداد کو زندہ نکال لیا گیا
زلزلے کے بعد دونوں ممالک میں قیامت صغریٰ کے مناظر دیکھنے میں آئے۔ بلند وبالا عمارات لمحوں میں ملبے کا ڈھیر بن گئیں۔ ملبے تلے دبے لوگ جان بچانے کیلیے پکارتے اور چیختے رہے۔
ترکیہ میں 7.8 شدت کے زلزلے کے بعد دو روز کے دوران مزید 2 زلزلے آچکے ہیں جب کہ 250 سے زائد آفٹر شاکس محسوس کیے گئے ہیں۔ زلزلوں اور آفٹر شاکس کے تسلسل سے لوگوں کے خوف وہراس میں اضافہ ہوگیا ہے۔
