بھارت میں پڑوسی نے جھگڑے پر معمر خاتون کو بہیمانہ تشدد کا نشانہ بنا ڈالا۔
بھارتی میڈیا رپورٹس کے مطابق ریاست اترپردیش میں پانی کے معاملے پر پڑوسیوں میں جھگڑا ہوا جس پر معمر خاتون کو تشدد کا نشانہ بنایا گیا۔
افسوسناک واقعہ اترپردیش کے ضلع بالیا کے گاؤں میں پیش آیا جس کی ویڈیو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ ایک شخص خاتون کو مغلظات بک رہا ہے اور زمین پر موجود خاتون کے چہرے پر لاتیں مار رہا ہے۔
Video: Elderly Woman Brutally Thrashed In UP After Row With Neighbour https://t.co/Gr9Kc82Zao
NDTV's Alok Pandey reports pic.twitter.com/cjVlzusVIw
— NDTV (@ndtv) February 16, 2023
اس دوران کچھ لوگوں اس شخص کو روکنے کی کوشش کرتے ہیں لیکن وہ خاتون پر تشدد کا سلسلہ جاری رکھتا ہے۔
رپورٹ کے مطابق خاتون اور پڑوسیوں کے درمیان جھگڑا اس وقت شروع ہوا جب وہ گھر کے باہر پانی کے ٹینک سے پائپ جوڑنے کی کوشش کررہی تھیں۔
