کراچی: ڈیفنس جامی کمرشل میں ڈکیت پولیس موبائل کے سامنے ڈکیتی کرنےکے بعد فرار ہوگئے۔
کراچی: شہر قائد میں ڈکیتی کی ایک اور واردات نے شہریوں میں عدم تحفظ کا احساس بڑھا دیا ہے، صبح ہو یا رات ڈاکوؤں کا شہریوں کو لوٹنے کا سلسلہ روکنے کا نام نہیں لے رہا، تاہم آج ایک اور ڈکیتی کا واقعہ ڈیفنس جامی کمرشل میں پیش آیا۔
ڈکیت پولیس کے سامنے شہری کو لوٹ کر فرار ہوگئے جس کی ویڈیو اے آر وائی نیوز نے حاصل کرلی ہے۔
ڈکیتی کے بعد پولیس اہلکار کی جانب سے مبینہ تلخ الفاظ بولنے پر شہری سے تکرا ہوئی ، ویڈیو میں شہری کو پولیس سے شکوہ کرتے ہوئے دیکھا جاسکتا ہے۔
شہری کا کہنا تھا کہ ڈکیت آئسکریم والے پاس کھڑے ہو کر انھیں لوٹ رہے تھے، جب انھوں نے پولیس والے اشاروں سے متوجہ کرنے کی کوشش کی تو اہل کاروں نے نظر انداز کر دیا۔
شہری نے کہا کہ ڈکیتی کے دوران پولیس موبائل موجود تھی انہوں نےکچھ نہیں کیا، شہری نے کہا کہ ڈکیتی ہو رہی تھی ہم آپ کو بلاتے رہے لیکن آپ نہیں آئے۔
