لاہور : راولپنڈی میں بدبخت بیٹے کی جانب سے ماں پر بدترین تشدد کی ویڈیو سوشل میڈیا پر وائرل ہوئی تو شوبز ستاروں نے بھی ناخلف بیٹے کے خلاف صدائے احتجاج بلند کردی۔
تفصیلات کے مطابق صوبہ پنجاب کے شہر راولپنڈی میں ماں پر بدترین تشدد کی ویڈیو سوشل میڈیا پر وائرل ہونے کے بعد سماجی رابطوں کی ویب سائٹ ایک طوفان برپا ہوگیا، اور ٹوئٹر پر ’ زوبیہ امیر‘ کا ہیش ٹیگ ٹاپ ٹرینڈ کرنے لگا۔
بیوی اکسانے پر ماں کو تشدد کا نشانہ بنانے والے بیٹے کے خلاف شوبز ستاروں نے بھی شدید ردعمل کا اظہار کیا ہے۔
پاکستانی شوبز انڈسٹری کی خوبصورت جوڑی نیمل خاور اور حمزہ علی عباسی نے اپنے ٹوئٹ میں ناخلف بیٹے کے خلاف شدید غصے کا اظہار کیا،حمزہ عباسی نے کہا کہ ’جہنم کا گڑھا اس شیطان صفت بیٹے کا انتظار کررہا ہے جس نے اپنی ماں پر تشدد کیا ہے، یا میرے اللہ، الفاظ نہیں ہیں میرے پاس‘۔
Ya Allah… I don’t have words… At all…cant post tht video.. deleted it… Oh my God…deepest corner of hell awaits this demon who raised his hands on his old mother… DEEPEST MOST ROTTEN CORNER OF HELL #zoobiameer
— Hamza Ali Abbasi (@iamhamzaabbasi) July 21, 2020
نیمل خاور نے قرآنی آیت شیئر کرتے ہوئے کہا کہ ’پروردگارِ عالم کا قہر و عذاب اس شخص کا منتظر ہے‘۔
“No mother should be harmed through her child, and no father through his child” (Quran 2:233)
Allah’s wrath awaites this man! #zoobiameer
— Naimal Khawar Khan (@Naimalkhawarr) July 21, 2020
بالی ووڈ میں بھی کامیابی کے جھنڈے گاڑنے والی اداکارہ صبا قمر نے کہا کہ ’کوئی اس قدر ظالم و سخت دل کیسے ہوسکتا ہے، میری اعلیٰ حکام سے اپیل ہے کہ اس بیٹے کے خلاف کارروائی کرکے متاثرہ خاتون کو انصاف فراہم کریں‘۔
It hurts to see such inhuman acts! 💔
I feel terrible right now! How can someone be this cruel and heartless!😣
This is a humble request to all our higher authorities to please take an immediate action on this matter and provide justice to the victims! #zoobiameer
— Saba Qamar (@s_qamarzaman) July 22, 2020
یاد رہے راولپنڈی کے علاقے صادق آباد میں جائیداد کے مسئلہ پر سنگ دل بیٹے کی ماں پر بد ترین تشدد کی ویڈیو وائرل ہوگئی تھی، بہن دہائیاں دیتی رہی مگر وحشی انسان پھر بھی نہیں رکا۔
سنگدل بیٹے کے ہاتھوں تشدد کا نشانہ بننے والی مظلوم ماں کا بیان سامنے آگیا
ہہن زوبیہ امیرنےایک ویڈیو میں بھائی بھابھی پرالزام لگایا ہے کہ پولیس نے ارسلان کو کسی کارروائی کے بغیرچھوڑ دیا، میرا بھائی بھابھی زیورات اور اہم دستاویزات لے کر فرار ہیں، زوبیہ کے موبائل فون سے بنی ویڈیو سوشل میڈیا پر اپ لوڈ ہونے کی کچھ دیر بعد ہی وائرل ہو گئی۔
ویڈیو سوشل میڈیا پروائرل ہوئی توپولیس ایکشن میں آئی اورملزم ارسلان اوراس کی اہلیہ کے خلاف راولپنڈی کے تھانہ صادق ٓآباد میں مقدمہ درج کرلیا گیا، سی پی او نے ملزمان کو جلد ازجلد گرفتار کرنےکاحکم دیا ہے۔
پولیس کی جانب سے ملزم کی گرفتاری کے لیے پولیس کے جگہ جگہ چھاپے مارے جارہے ہیں۔
