پاکستان اور آسٹریلیا کے درمیان کھیلے گئے دوسرے ون ڈے میچ میں کپتان محمد رضوان اور ایڈم زیمپا کی گفتگو سوشل میڈیا پر وائرل ہوگئی۔
ایڈیلیڈ میں کھیلے گئے دوسرے ون ڈے میچ میں پاکستان نے آسٹریلیا کو باآسانی 9 وکٹوں سے شکست دے کر تین میچوں کی سیریز 1-1 سے برابر کردی۔
حارث رؤف کو میچ میں پانچ وکٹیں حاصل کرنے پر بہترین کھلاڑی قرار دیا گیا۔
آسٹریلوی ٹیم پہلے بیٹنگ کرتے ہوئے 163 رنز پر ڈھیر ہوئی، پاکستان نے 164 رنز کا ہدف باآسانی 26.3 اوورز میں ایک وکٹ کے نقصان پر حاصل کرلیا۔
صائم ایوب نے 82 رنز کی برق رفتار اننگز کھیلی، ان کی اننگ میں پانچ چوکے اور چھ بلند و بالا چھکے شامل تھے، عبداللہ شفیق 64 اور بابر اعظم 15 رنز کے ساتھ نآٹ آؤٹ رہے۔
پاکستان اور آسٹریلیا کے درمیان تیسرا اور فیصلہ کن ون ڈے میچ اتوار کو کھیلا جائے گا۔
تاہم سوشل میڈیا پر ویڈیو وائرل ہورہی ہے اننگز کے 34ویں اوور میں نسیم شاہ بولنگ کررہے تھے ان کی شاٹ بال پر کپتان رضوان نے ریویو لیا لیکن ایڈم زیمپا سے ان کی گفتگو اسٹمپ مائیک ریکارڈ ہوگئی۔
ویڈیو میں دیکھا جاسکتا ہے کہ رضوان نے کیچ آؤٹ کی اپیل کی، زیمپا کہنے لگے تم ہر بات پر اہیل کررہے ہو، رضوان نے پھر بھی زیمپا سے پوچھا کہ اور ان کے ہاں کہنے پر ریویو بھی لے لیا۔
تھرڈ امپائر نے ایڈم زیمپا کو ناٹ آؤٹ قرار دیا، رضوان کے ریویو لینے پر کمنٹیٹرز بھی مسکرانے لگ گئے۔
