ماؤنٹ ایورسٹ کی چوٹی سے 360 ڈگری کا نظارہ دکھانے والی ایک ویڈیو سوشل میڈیا پر منظر عام پر آئی ہے جس نے صارفین کو حیران کر دیا ہے۔
اگر زمین پر کوئی ایسی جگہ ہے جہاں سے ہر چیز چھوٹی نظر آتی ہے، تو اسے ماؤنٹ ایورسٹ کہا جاسکتا ہے، جو دنیا کی سب سے اونچی پہاڑی چوٹی ہے، ماؤنٹ ایورسٹ کی چوٹی سے 360 ڈگری کا منظر دکھانے والی ویڈیو وائرل ہے۔
This is a 360° camera view from the top of Mt. Everest pic.twitter.com/trboDIIXI5
— Historic Vids (@historyinmemes) February 1, 2024
سابقہ ٹوئٹر(ایکس) پر ایک صارف نے یہ دل دہلادینے والی ویڈیو شیئر کی ہے جس میں ماہر کوہ پیماؤں کی ٹیم کو ماؤنٹ ایورسٹ کی چوٹی پر دیکھا جاسکتا ہے۔
بہت سے ٹویٹر صارفین ماؤنٹ ایورسٹ کے اس منظر سے متاثر نظر آئے۔ کیمنٹ سیکشن میں، جہاں کچھ صارفین نے کوہ پیماؤں کی ہمت کی تعریف کی، وہی دوسروں نے ان خطرات اور چیلنجوں کے بارے میں لکھا جن کا سامنا کوہ پیماؤں کو دنیا کی بلند ترین پہاڑی چوٹی پر کرنا پڑتا ہے۔
اس کے علاوہ گزشتہ ہفتے اسکاٹ لینڈ سے تعلق رکھنے والا 2 سالہ بچہ ماؤنٹ ایورسٹ کے بیس کیمپ تک پہنچنے والا سب سے کم عمر شخص بن گیا۔