شوبز انڈسٹری کے معروف اداکار وہاج علی نے انسٹاگرام پر اہم سنگ میل عبور کرلیا۔
اے آر وائی ڈیجیٹل کے ڈرامہ سیریل ’مجھے پیار ہوا تھا‘ میں ’سعد‘ کا مرکزی کردار نبھانے والے اداکار وہاج علی کے انسٹاگرام فالوورز کی تعداد تیس لاکھ تک پہنچ گئی ہے۔
وہاج علی نے انسٹاگرام پر ویڈیو شیئر کی جس میں دیکھا جاسکتا ہے کہ بھارتی مداح بھی ان کے فالوورز کی تعداد میں اضافے کا جشن منارہے ہیں۔
اداکار نے ویڈیو شیئر کرتے ہوئے بھارتی بچوں کا شکریہ ادا کیا اور مداحوں کے نام پیغام میں لکھا کہ ’یہ حوصلہ افزائی کا خوبصورت انداز ہے جو مجھے اب تک ملا ہے تاہم میں ان بچوں کے لیے پاکستان کی طرف سے بھارت کو شکریہ کا کوئی تحفہ بھیجنے سے قاصر ہوں لیکن میں دل کی گہرائیوں سے دعا کرتا ہوں کہ اللہ آپ سب کو خوش رکھے۔
وہاج علی سوشل میڈیا پر کافی متحرک رہتے ہیں اور اکثر اپنی ویڈیو اور تصاویر شیئر کرتے رہتے ہیں جسے ان کے مداح بھی پسند کرتے ہیں۔
واضح رہے کہ وہاج علی اے آر وائی ڈیجیٹل کے ڈرامہ سیریل ’مجھے پیار ہوا تھا‘ میں ’سعد‘ کا مرکزی کردار نبھا رہے ہیں جسے مداحوں کی جانب سے خوب سراہا جارہا ہے، ڈرامے کی دیگر کاسٹ میں ہانیہ عامر، زاویار نعمان، شہود علوی، سلمیٰ حسن، وشما فاطمہ، انجلین ملک ودیگر شامل ہیں۔
مجھے پیار ہوا تھا کی کہانی سدرہ سحر عمران نے لکھی ہے جبکہ اس کی ہدایت کاری کے فرائض بدر محمود نے انجام دیے ہیں۔