واشنگٹن : کرسمس کے موقع پر مختلف ممالک میں طوفان کی وارننگ جاری کردی ہے ، ماہرین کے مطابق برفباری کے باعث امریکا اور برطانیہ میں وائٹ کرسمس ہونے کا امکان ہے۔
امریکا اور برطانیہ میں وائٹ کرسمس کی پیش گوئی کرتے ہوئے ہوئے مختلف ممالک میں طوفان کی وارننگ جاری ہے، برطانیہ میں سمندری طوفان باربرا کی آمد سے شدید بارشوں کا سلسلہ جاری ہے، تیز ہواؤں سے ٹرالر الٹ گیا، درخت اکھڑ گئے۔
ماہرین کا کہنا ہے کہ طوفان کے باعث شدید بارشوں اور برفباری کا امکان ہے۔
امریکا کی شمال مغربی ریاستیں شدید سردی کی لپیٹ میں ہیں، امریکی کی محکمہ موسمیات نے کرسمس پر شمال مغربی ریاستوں میں برفانی طوفان کی پیش گوئی کی ہے ، جس کے باعث متعدد ریاستوں میں برفباری کے بعد درجہ حرارت نقطہ انجمد سے نیچے گرگیا۔
فلپائن کے ساحلی علاقوں میں ٹائی فون ناک ٹین دستک دے رہا ہے، سمندری طوفان کے باعث بارشوں کا سلسلہ جاری ہے جبکہ ہزاروں افراد کو محفوظ مقامات پر منتقل کیا جارہا ہے۔
