قومی ٹیم کے سابق کپتان وسیم اکرم افغانستان کے خلاف شکست پر قومی ٹیم پر کڑی تنقید کردی۔
اے اسپورٹس کے پروگرام ’دی پویلین‘ میں گفتگو کرتے ہوئے وسیم اکرم نے کہا کہ وہ دو وکٹوں سے 280 پر چلے گئے یہ بڑا اسکور تھا، پچ گیلی نہ گیلی، فیلڈنگ خراب کی۔
انہوں نے کہا کہ فٹنس لیول دیکھیں ہم چیخیں مار رہے ہیں ان کا دو سال سے فٹنس ٹیسٹ نہیں ہوا اب میں لڑکوں کے انفرادی نام لوں، اتنے بڑے ان کے منہ ہوگئے ہیں۔
وسیم اکرم نے کہا کہ روز یہ آٹھ کلو کڑاہی اور نہاری کھا رہے ہیں کوئی ٹیسٹ بھی تو ہونا چاہیے، آپ ملک کے لیے کھیل رہے ہیں۔
Legendary pacer @wasimakramlive lashes out at the Pakistan cricket team following their upset defeat against Afghanistan.#ASportsHD #ARYZAP #ThePavilion #CWC23 #ShoaibMalik #MoinKhan #FakhreAlam #MisbahUlHaq #PAKvAFG pic.twitter.com/RZSaVDSXIS
— ASports (@asportstvpk) October 23, 2023
سابق کپتان نے کہا کہ جب مصباح الحق کوچ تھے تو کھلاڑیوں کے لیے ایک طریقہ کار تھا جس سے کھلاڑیوں کو نفرت بھی ہوتی تھی لیکن وہ کام کرتا تھا۔
انہوں نے کہا کہ فیلڈنگ کے لیے فٹنس کا ہونا ضروری ہے۔
وسیم اکرم نے کہا کہ اب وہی ہوگیا ہے کہ دعائیں کریں گے ہم چاروں جیتیں اگلی ٹیم ہارے تو ہم سیمی فائنل میں پہنچیں گے۔