بھارت میں گھوڑے کو زبردستی سگریٹ پلانے والے دو نوجوانوں کے خلاف پولیس نے مقدمہ درج کرلیا۔
بھارتی میڈیا رپورٹس کے مطابق ریاست اتراکھنڈ میں دو افراد کی ویڈیو سوشل میڈیا پر وائرل ہوئی جنہیں گھوڑے کو زبردستی سگریٹ پلاتے دیکھا جاسکتا ہے۔
ویڈیو وائرل ہونے کے بعد سوشل میڈیا صارفین نے شدید غم و غصے کا اظہار کرتے ہوئے ملزمان کی گرفتاری کا مطالبہ کیا۔
تاہم اب بتایا جا رہا ہے کہ بھارتی پولیس نے ملزمان کیخلاف مقدمہ درج کرلیا ہے، بھارتی پولیس کے مطابق یاترا کے دوران جانوروں پر تشدد کرنے والے ملزمان کے خلاف 14 مقدمات درج کیے گئے ہیں۔
We have taken cognizance of the viral video wherein a horse is forcefully given smoke. We are trying to identify the men in the video.
Appeal: Such incidents should be reported to the nearby police on duty or on 112 for immediate action.
— उत्तराखण्ड पुलिस – Uttarakhand Police (@uttarakhandcops) June 23, 2023
اتراکھنڈ پولیس کا کہنا ہے کہ وائرل ویڈیو کا نوٹس لیتے ہوئے مقدمہ درج کیا گیا ہے، ویڈیو کی مدد سے دونوں افراد کی شناخت کی کوشش جاری ہے۔
پولیس نے لوگوں سے اپیل کی ہے کہ وہ ایسے تمام واقعات کی اطلاع پولیس ایمرجنسی نمبر یا قریبی پولیس اسٹیشن کو دیں۔
پولیس نے مقدمات میں فوری کارروائی کی یقین دہانی کروائی تاکہ مستقبل میں ایسے واقعات کی روک تھام کی جاسکے۔
