جنوبی افریقہ کے خلاف میچ اننگز کے دوران نیوزی لینڈ کے فاسٹ بولر ٹرینٹ بولٹ کی شاٹ پریکٹس کام آگئی۔
گزشتہ روز ورلڈکپ کے 32ویں میچ میں جنوبی افریقا نے فیورٹ نیوزی لینڈ کو چاروں شانے چت کرتے ہوئے 190 رنز کے بڑے مارجن سے شکست دی۔
پونے میں کھیلے گئے میچ میں جنوبی افریقا نے اپنی جیت کے تسلسل کو برقرار رکھتے ہوئے نیوزی لینڈ کو باآسانی دبوچ لیا۔ کیوی بلے باز پروٹیز کے 358 کے پہاڑ جیسے ہدف تلے دب گئے اور پوری ٹیم صرف 167 رنز پر ڈھیر ہوگئی۔
جنوبی افریقا نے نیوزی لینڈ کو بڑے مارجن سے شکست دیدی
سنسنی خیز مقابلے کے درمیان گراؤنڈ پر ایک ایسا دلچسپ واقعہ پیش آیا جس نے تماشائیوں اور کمنٹیٹرز دونوں کی دلچسپی کو اپنی جانب کرلیا۔
انٹرنیشنل کرکٹ کونسل (آئی سی سی) نے اپنے آفیشل ٹویٹر اکاؤنٹ پر ایک ویڈیو پوسٹ کی جس میں نیوزی لینڈ کے پیسر ٹرینٹ بولٹ کو جنوبی افریقہ کی بیٹنگ اننگز میں وقفے کے دوران مخصوص شاٹ کی مشق کرتے ہوئے دیکھا گیا۔
View this post on Instagram
نیوزی لینڈ کے فاسٹ بولر جنوبی افریقہ کے خلاف اس مشق کا بھرپور استعمال کیا اور ویسا ہی شاٹ لگایا جسے دیکھ کو سب دنگ رہ گئے۔
