کراچی : شہر میں بجلی کے بریک ڈاؤن کے باعث دھابیجی پمپنگ اسٹیشن سے پانی فراہمی مکمل طور پر بند ہوگئی، جس سے پانی کے بحران کا خدشہ پیدا ہوگیا ہے۔
تفصیلات کے مطابق کراچی میں بجلی کے بریک ڈاؤن کے باعث دھابیجی پمپنگ اسٹیشن سے پانی فراہمی بند ہوگئی ہے۔
دھابیجی پمپنگ اسٹیشن بھی بجلی کا بریک کا ڈاؤن ہوا ، جس کی وجہ سے کراچی کو پانی سپلائی کرنیوالی 72 انچ کی پائپ لائن نمبر 5 پھٹ گئی۔
جس کے بعد کراچی کے کئی علاقوں کو پانی کی سپلائی معطل ہوگئی اور پانی کے بحران کا خدشہ پیدا ہوگیا ہے۔
پائپ لائن پھٹنے سے قریبی گھروں میں پانی داخل ہوگیا ، جس سے مکین پریشان ہے۔
واٹر بورڈ حکام نے بتایا کہ نیشنل گرڈ سسٹم فریکوئنسی کم ہونے کے باعث ملک میں بجلی کے بڑے بریک ڈاؤن کی وجہ سے پمپنگ اسٹیشن مکمل بند ہوگئیں اور شہر میں عارضی پانی کی فراہمی معطل ہے تاہم کے الیکٹرک انتظامیہ سے مکمل رابطے میں ہے۔
واٹر بورڈ انتظامیہ کی جانب سے کہا گیا ہے کہ مرمتی کام پانی کی نکاسی کے بعد شروع ہوگا، پانی کی نکاسی کے36 سے 48 گھنٹے بعد پانی کی سپلائی بحال ہوگی۔
