The news is by your side.

Advertisement

ہمیں مستقبل کی نسلوں کا احساس کر کے فیصلے کرنے ہیں: وزیر اعظم عمران خان

اسلام آباد: وزیر اعظم عمران خان نے کہا ہے کہ ماحولیات کا تحفظ ہم سب کا فرض ہے، ہمیں مستقبل کی نسلوں کا احساس کر کے فیصلے کرنے ہوتے ہیں، خوش قسمت پاکستانی ہوں جو تمام پاکستانی علاقے گھوم چکا ہوں۔

وزیر اعظم عمران خان آج اسلام آباد میں منعقدہ 7 ویں ایشین ریجنل کنزرویشن کانفرنس سے خطاب کر رہے تھے، انھوں نے کہا پاکستان قدرتی خوب صورتی اور وسائل سے مالا مال ملک ہے، کے پی میں حکومت بنانے کے بعد بلین ٹری منصوبہ شروع کیا، پہلی بار کسی حکومت نے ماحولیاتی تحفظ کے لیے قدم اٹھایا۔

انھوں نے کہا ماضی میں فضائی اور آبی آلودگی کی روک تھام پر توجہ نہیں دی گئی، میں لاہور میں پلا بڑا ہوں، جس کی آب و ہوا بہت صاف ستھری تھی، ہماری توجہ شہروں کو پھیلانے کی بہ جائے بلند عمارتوں پر ہے۔

وزیر اعظم کا کہنا تھا مجھے جلد ہی قدرتی ماحول کو درپیش نقصانات کا احساس ہو گیا تھا، جب میں پیدا ہوا تو آبادی 4 کروڑ تھی، آج 22 کروڑ ہے، شہروں میں رہنے والے زیادہ تر لوگ پاکستانی خوب صورتی نہیں دیکھ پاتے، پاکستان میں گھنے جنگلات، طویل صحرا اور بلند و بالا پہاڑی سلسلے ہیں، پاکستان کے بعض علاقوں جیسے حسین نظارے دنیا میں کہیں نہیں۔

انھوں نے کہا جب کے پی میں بلین ٹری منصوبہ شروع کیا گیا تو اس میں مقامی آبادی کو بھی شامل کیا گیا، خیبر میں ٹمبر مافیا کی صورت میں بڑے ہم نے چیلنج کا مقابلہ کیا، ٹمبر مافیا کی وجہ سے 10 فاریسٹ گارڈز نے جانوں کا نذرانہ دیا۔

fb-share-icon0
Tweet 20

Comments

comments

یہ بھی پڑھیں