کراچی: محکمہ موسمیات کا کہنا ہے کہ ملک کے بیش تر علاقوں میں آج اتوار کو موسم خشک اور جنوبی علاقوں میں گرم رہے گا۔
بالائی کے پی، وزیرستان، جی بی، کشمیر اور خطہ پوٹھوہار میں گرج چمک کے ساتھ ہلکی بارش کا امکان ہے، اسلام آباد اور گر دو نواح میں مطلع جزوی ابر آلود رہے گا، جب کہ چند مقامات پر بوندا باندی ہو سکتی ہے۔
خیبر پختونخوا میں چترال، دیر، سوات، ایبٹ آباد، مانسہرہ، کوہستان، مالاکنڈ، باجوڑ، مہمند، خیبر، پشاور، کرم اور جنوبی و شمالی وزیرستان میں گرج چمک کے ساتھ بارش کا امکان ہے۔
محکمہ موسمیات کے مطابق پنجاب کے بیش تر اضلاع میں موسم خشک اور جنوبی علاقوں میں گرم رہے گا، مری، گلیات، اٹک، راولپنڈی، جہلم اور گرد و نواح میں گرج چمک کے ساتھ ہلکی بارش، بوندا باندی ہو سکتی ہے، جب کہ شام یا رات کے اوقات میں رحیم یار خان، خانپور، بہاولپور، بہاولنگر، ڈیرہ غازی خان میں جھکڑ چلنے کے ساتھ ہلکی بارش کا امکان ہے۔
بلوچستان کے بیش تر اضلاع میں موسم خشک رہے گا، ژوب، موسیٰ خیل اور گرد و نواح میں گرج چمک کے ساتھ ہلکی بارش ہو سکتی ہے، سندھ کے بیش تر اضلاع میں موسم خشک رہے گا، سکھر، کشمور اور جیکب آباد میں شام یا رات میں تیز ہواؤں اور جھکڑ چلنے کے ساتھ ہلکی بارش ہو سکتی ہے۔ جب کہ کشمیر اور گلگت بلتستان میں تیز ہواؤں اور گرج چمک کے ساتھ بارش کا امکان ہے۔
