پشاور زلمی نے لاہور قلندرز کو شکست دے کر پی ایس ایل 9 میں دوسری فتح حاصل کی تاہم اظہر علی نے کچھ کمزور پہلو کی نشاندہی کرتے ہوئے کپتان بابر اعظم کو نصیحت کی ہے۔
اے اسپورٹس کے پروگرام دی پویلین میں گفتگو کرتے ہوئے سابق قومی کپتان اظہر علی نے کہا کہ آج پچ سوا دو سو رنز کی تھی۔ درمیان میں 7 سے 13 اوورز تک جو بیٹنگ ہوئی ہے اس میں زلمی نے 15 سے 20 رنز کم بنائے ہیں خاص طور پر بابر اعظم نے، پاور پلے کے بعد تو کوئی باؤنڈری بھی نہیں ماری۔
اظہر علی کا کہنا تھا کہ اس وقت صائم نہ کھیلتے تو زلمی پر دباؤ آ سکتا تھا۔ بابر اعظم بے شک اننگ کو آگے لے کر چلنے والے بیٹر ہیں
لیکن انہیں ایک چیز ضرور دیکھنی ہوگی کہ یہ جو پچ تھا سوا دو سو اسکور والا تو وہاں آپ نے مومنٹم کو برقرار رکھنا ہوتا ہے۔ اگر اس مرحلے پر کوئی وکٹ بھی نہ گری ہو تو سمجھیں کہ پاور پلے ہی چل رہا ہے۔
انہوں نے کہا کہ پارٹنر شپ بے شک بہترین رہی مگر ایک بات کہوں گا بابر کو اس بارے میں سنجیدگی سے سوچنا ہوگا کیونکہ زلمی کی بیٹنگ مضبوط مگر بولنگ میں خامیاں ہیں تو اگر اس طرح بیٹنگ میں رنز لوز کریں گے تو انہیں آگے نقصان ہوگا۔
View this post on Instagram
اس موقع پر سابق کپتان مصباح الحق نے کہا کہ آخر میں رومن پال نے 20 گیندوں پر جارحانہ 46 رنز کی اننگ کھیل کر درمیانی اوور کے ڈیمیج کی ریکوری کی۔
