سعودی عرب میں اسکول بس میں اچانک آگ بھڑک اٹھی تاہم طالبات معجزاتی طور پر محفوظ رہیں۔
غیر ملکی میڈیا کے مطابق آتشزدگی کا یہ ہولناک واقعہ سعودی عرب کے علاقے الاحسا میں پیش آیا ہے جہاں اسکول بس میں اچانک آگ بھڑک اٹھی اور دیکھتے ہی دیکھتے پھیل گئی تاہم معجزاتی طور پر بس میں سوار طالبات محفوظ رہیں۔
رپورٹ میں اسکول بس کمپنی ذرائع کے حوالے سے بتایا گیا ہے کہ یہ حادثہ دوپیر کے وقت ہوا جب بس طالبات کو اسکول سے واپس ان کے گھروں کو چھوڑنے جا رہی تھی کہ شارٹ سرکٹ کے باعث بس میں آگ بھڑک اٹھی جو تیزی سے پھیلنے لگی۔