وفاقی وزیر تجارت نوید قمر نے کہا ہے کہ پیپلزپارٹی نےحکومت کو 8 اگست کو اسمبلیاں تحلیل کی تجویز دی ہے۔
ایک بیان میں انہوں نے کہا کہ پی پی نے اسمبلیاں تحلیل کرنے کی تجویز دے دی ہے اب اسمبلیاں تحلیل کرنےکا فیصلہ وفاقی حکومت کو کرنا ہے۔
نوید قمر نے کہا کہ پیپلزپارٹی انتخابات سے پہلے انتخابی اصلاحات چاہتی ہے نگراں سیٹ اپ کسی صورت آئینی مدت سے آگے نہیں جانا چاہیے موجودہ سیٹ اپ میں مزید توسیع کی حمایت نہیں کرتے۔
ان کا کہنا تھا کہ اسمبلی میں توسیع پر قانون سازی پر مؤقف سے پیچھے نہیں ہٹیں گے انتخابی اصلاحات پرسیاسی جماعتوں میں اتفاق رائےضروری ہے انتخابی اصلاحات اور آر ٹی ایس سسٹم جیسےمعاملےاہم ہیں۔
آئین کے مطابق قومی اسمبلی کی مدت آئندہ ماہ اگست میں پوری ہو رہی ہے لیکن حکمراں اتحاد میں انتخابات وقت پر ہونے یا ایک سال بعد کرائے جانے کے معاملے پر نئے تنازع نے جنم لے لیا ہے۔
