شکارپور: سندھ بار کونسل کے سیکریٹری عرفان مہر قتل کیس میں پیش رفت ہوئی ہے، پولیس نے مقتول کی بیوی، سالی اور ساس کو گرفتار کر لیا ہے۔
تفصیلات کے مطابق عرفان مہر قتل کیس میں ان کی بیوی، سالی اور ساس کو گرفتار کیا گیا ہے، ذرائع کا کہنا ہے کہ گرفتاریاں عرفان مہر کے ہم زلف کی نشان دہی پر عمل میں آئی ہیں۔
ذرائع کا کہنا ہے کہ گرفتاریاں سی ٹی ڈی اور پولیس کی رحیم یار خان میں کارروائی کے دوران کی گئیں، ملزمان کو گرفتار کر کے نامعلوم مقام پر منتقل کر دیا گیا ہے۔
Once again, plans are being made to shed blood in Karachi. #IrfanMahar, secretary of SBC,was shot dead in Gulistan-e-Jauhar this morning while he was on his way to drop his children off at school.
It's demanded that murderes be arrested & punished severely.#JusticeForIrfanMahar pic.twitter.com/bTum4bTVS9— Akhtar Ali (@imAkhtarAS) December 1, 2021
یاد رہے یکم دسمبر 2021 کی صبح کو کراچی کے علاقے گلستان جوہر، بلاک 13 میں نامعلوم ملزمان نے کار پر فائرنگ کر کے سندھ بار کونسل کے سیکریٹری عرفان مہر کو قتل کر دیا تھا، وزیر اعلیٰ سندھ نے نوٹس لیتے ہوئے کہا ’مجھے وکیل عرفان مہر کے قاتل ہر صورت چاہیئں‘۔
عرفان مہرقتل کیس : بہنوئی کے قتل کے لیے بہن نے اکسایا،ملزم کا بیان
11 دسمبر کو سی ٹی ڈی نے شکارپور کی تحصیل گڑھی یاسین میں ایک کارروائی کے دوران تین افراد کو گرفتار کیا تھا، جن میں مقتول کا سالا غلام اکبر بھی شامل تھا۔
13 دسمبر کو انسداد دہشت گردی کی عدالت میں کیس کی سماعت ہوئی، پولیس نے ملزم سے ابتدائی تفتیش کی رپورٹ پیش کی، ملزم اکبر نے بیان دیا کہ اسے بہنوئی کے قتل کے لیے بہن صاحبزادی نے اکسایا تھا، اس نے واردات کے بعد موٹر سائیکل اپنے دوست عابد کے پاس رکھوائی، جب کہ قتل میں استعمال ہونے والا اسلحہ ذوالفقار کے پاس رکھوایا۔
