اسلام آباد : مسلم لیگ ق کے رہنما مونس الہی کا کہنا ہے کہ ایک مشن پوراہو گیا اب عمران خان کو واپس وزارت عظمی کی کرسی پر لے کر آئیں گے۔
تفصیلات کے مطابق مسلم لیگ ق کے رہنما مونس الہی نے سماجی رابطے کی ویب سائٹ ٹوئٹر پر اپنے پیغام میں کہا کہ اللہ پاک کے فضل سےایک مشن پوراہو گیا، اب دوسرے مشن کے لیے تن من دھن کی بازی لگائیں گے، عمران خان کو واپس اپنی کرسی پرلے کر آئیں گے۔
اللہ پاک کے فضل سے ایک مشن پورا ہو گیا اب دوسرے مشن کے لیے تن من دھن کی بازی لگائیں گے اور انشاءاللہ PM @ImranKhanPTI کو واپس اپنی کرسی پہ لے کر آئیں گے۔ pic.twitter.com/reK5UJ5LmC
— Moonis Elahi (@MoonisElahi6) July 27, 2022
یاد رہے گذشتہ روز سپریم کورٹ نے ڈپٹی اسپیکرپنجاب اسمبلی کی رولنگ کالعدم قرار دے دی تھی ، جس کے بعد چوہدری پرویز الہی نئے وزیراعلیٰ بن گئے تھے۔
چیف جسٹس کے تحریر کردہ گیارہ صفحات کے فیصلے میں کہا گیا کہ ڈپٹی اسپیکرکی رولنگ کی کوئی قانونی حیثیت نہیں،حمزہ شہبازاپنا دفتر فوری خالی کریں، وزیراعلیٰ پرویز الہیٰ سے گورنرپنجاب حلف نہیں لے سکتے تو صدر مملکت حلف لیں۔
