گھر میں آگ لگنے کے باعث ایک شخص کی ہلاکت کے بعد خاتون کو مذکورہ شخص کے قتل کے شبہ میں گرفتار کر لیا گیا۔
غیرملکی میڈیا رپورٹس کے مطابق لندن کے شمالی علاقے میں ایک عورت کو مرد کو جلا کر مارنے کے شبے میں گرفتار کیا گیا ہے۔ پریسٹن روڈ میں آج صبح اس واقعے کی اطلاع ملنے پر فائر فائٹرز، پولیس اور پیرا میڈیکس جائے وقوعہ پر پہنچے تھے۔
مرنے والے شخص کی عمر 50 سال ہے جسے جائے وقوع پر ہی مردہ قرار دیا گیا تھا جب کہ 36 سالہ خاتون کو ملزمہ ہونے کے شبے میں پولیس نے پکڑ لیا ہے۔
- Advertisement -
پریسٹن روڈ لندن شہر کی ایک مصروف سڑک ہے جسے واقعے کے بعد بند کر دیا گیا جبکہ فائر سروس نے آگ پر قابو پالیا ہے۔
ترجمان سسیکس پولیس نے بتایا کہ واقعے سے متعلق حقائق جاننے کے لیے تحقیقات کی جارہی ہیں، جس شخص کے پاس بھی اس واقعے سے متعلق معلومات ہیں وہ ہمیں آگاہ کرے۔