بھارت میں مہاراشٹر کے تھانے میں ایک خاتون کے خلاف ساس پر تشدد کرنے کا مقدمہ درج کرلیا گیا، افسوسناک واقعے کی ویڈیو سوشل میڈیا پر گردش کررہی ہے۔
وائرل ہونے والی ویڈیو میں دیکھا جاسکتا ہے کہ ایک خاتون اپنی ساس کو گھر سے باہر نکالنے کے لئے گھسیٹ رہی ہے،جس سے خاتون کی ساس زمین پر گر جاتی ہے، ویڈیو میں ایک تیسری خاتون کو بھی دیکھا جا سکتا ہے جو گھر میں کام کرتی نظر آرہی ہے، مگر وہ مداخلت نہیں کرتی۔
مذکورہ ویڈیو سامنے آنے کے بعد خاتون کے خلاف مقدمہ درج کرلیا گیا ہے، ملزمہ کی ساس کی جانب سے کوپری پولیس اسٹیشن میں واقعہ کی اطلاع دینے کے بعد مقدمہ درج کیا گیا۔
#Thane: Daughter-In-Law Abuses, Brutally Assaults Mother-In-Law Over Family Dispute.
Attack captured on CCTV camera shows disturbing visuals of helpless elderly woman. Thane police responds after footage of incident that took place in Siddharth Nagar area of Thane's Kopri goes… pic.twitter.com/FneRhCHpiM
— Free Press Journal (@fpjindia) October 8, 2023
تاہم پولیس نے ابھی تک اس معاملے پر کوئی سرکاری بیان جاری نہیں کیا ہے۔
وائرل ویڈیو کا آغاز یہاں سے ہوا کہ ملزمہ خاتون اپنی بوڑھی ساس، جو کہ صوفے پر بیٹھی نظر آرہی ہے، کو گھر سے نکل جانے کے لیے کہہ رہی ہے۔ جب ساس انکار کرتی ہے تو خاتون نے اسے مارا پیٹا اور اسے زبردستی صوفے سے دھکیل کرباہر نکالنا چاہا۔
اس دوران بوڑھی خاتون فرش پر گر جاتی ہے اور اپنے کپڑے ایڈجسٹ کرنے کی کوشش کرنے لگتی ہے، ملزمہ خاتون کو اس دوران ایک فون کال آتی ہے، جس سے وہ بات کرنے میں مصروف ہوجاتی ہے، اس کے بعد وہ واپس اپنی ساس کے پاس جاتی ہے اور انہیں دوبارہ گھسیٹنے لگتی ہے۔
