ایکسائز ڈپارٹمنٹ نے منشیات فروخت کرنے کے الزام میں ایک خاتون اس کی بیٹی اور داماد کو گرفتار کرلیا۔
بھارت میں ایکسائز ڈپارٹمنٹ کے حکام نے اطلاع ملنے پر ضلع نظام آباد میں منشیات (گانجہ) فروخت کرنے کے الزام میں خاتون کو بیٹی اور داماد سمیت حراست میں لیا ہے۔ حکام نے آٹو نگر میں واقع شکیلہ بی کے گھر پرچھاپہ مارا۔
تلاشی کے دوران وہاں سے سوا کلو کے قریب گانجہ برآمد ہوا۔ تفتیش پر یہ بات سامنے آئی کہ شکیلہ اپنی بیٹی اسما کے ساتھ ریاست مہاراشٹرا سے یہ گانجہ لاتی تھی.
- Advertisement -
شکیلہ نامی خاتون اس گانجہ کو پیکٹس میں ڈال کر اپنے داماد شیخ وسیم کو دیتی جسے وہ نظام آباد میں فروخت کرتا تھا۔
نظام آباد ایکسائز انسپکٹر بی دلیپ نے کارروائی کرتے ہوئے اسما اور وسیم سمیت شکیلہ کو گرفتار کر کےعدالتی تحویل میں دے دیا ہے۔
